Magkaibang Mundo June 2 2016

Episode 9Gulat naman ang mga kaibigang dwende ni Elfino nang malamang nagpakita at nakipagkaibigan ito sa isang tao. Bawal daw yun sa kanila, magagalit si Apo. Pero ang sabi ni Elfino, itutuloy pa rin daw niya dahil misyon niya na tulungan si Princess.Magkakatampuhan sina Amanda at Princess nang balakin ni Amanda na ilipat sa public school ang anak dahil may problema sila sa pera. Pero magkakaayos din ang mag-ina, dahil pinayuhan ni Elfino si Princess. Dadating naman si Noreen sa bahay nina Amand at sasabihing doon na sila titira. Tinanggap naman sila ni Amanda, believing na concerned sa kanila ito. Palalayasin ni Noreen ang mga maids including Manang Biring nang maulinigan na pinag-uusapan sila.

Walang magawa si Amanda. Aapihin din nina Analyn at Sophie si Princess, ikukulong siya sa cabinet nito nang ayaw pumayag ni Princess na kunin ng dalawa ang kuwarto niya. Gagantihan sila ni Elfino by sending bees na kakagat sa magkapatid. Malalaman ni Noreen ang nangyari at pagagalitan sana si Princess pero agad itong makakatakbo sa kwarto ng mag-ina. Mag-aaway sina Noreen at Amanda. Galit si Amanda dahil pinalayas ni Noreen ang mga maids at sa gagawin sana nito kay Princess. Matinding confrontation ito sa dalawa. Mao-overpower ni Noreen si Amanda at kakaladkarin nya ang mag-ina palabas. Kita itong lahat ni Elfino. Gusto niyang tulungan ang kaibigan pero wala siyang magagawa.

Magmamakaawa pa si Amanda kay Noreen pero pagsasarhan na niya ng gate ang dalawa. Pinalayas ni Noreen sina Amanda at Princess. Tuwang-tuwa ang pamilya niya pero dahil sa galit, magma-magic si Elfino para bumagsak ang portrait ni Ruben. Aakalain nilang nagmumulto ito sa ginawa sa mag-ina niya pero balewala iyong kay Noreen. Magpapalaboy naman sa kalye sina Amanda at Princess – aabutan ng ulan, mangangalkal ng basura at matutulog sa kariton.