Magkaibang Mundo June 8 2016

Episode 13 Pipigilan nina Bombi si Elfino pero di ito nagpaawat. Magkakamalay tao si Pepay at makikita ang sumbrero ni Dino at maaalala si Elfino. Nakikipag-deal na si Elfino kay Barang. Gagawin siyang tao nito pero may kapalit: matapos ang anim na buwan na hindi niya napaibig si Pepay, kukunin nito ang buhay niya. Papayag si Elfino. Gagawa ng paraan si Dino para may tumulong kay Pepay. Ilalaglag niya ang mga sapatos para makagawa ng ingay. Pero pagkakamalan siya multo at wala ring tutulong kay Pepay.

Iinumin na sana ni Elfino ang potion pero darating si Bombi at mapipigilan siya. Mapapaisip si Elfino at tatanggi ulit. Gagawa ng illusion si Barang para ma-torn si Elfino: tinatawag ni Pepay si Elfino at humihingi ng tulong. Papayag na si Elfino na maging tao. He drinks the potion at mawawalang bigla. Samantala, Jeffrey learns na may kaguluhan sa shoe boutique kaya pupunta siya rito. Pabubuksan niya ang stockroom and he sees Pepay na nanghihina.

Bubuhatin niya palabas si Pepay. Naging tao na si Elfino. Tao na si Elfino, hubo’t hubad siya. Pagkakamalan siyang exhibitionist at adik ng mga tao kaya bubugbugin at dadalhin siya sa barangay hall. Worried siya para kay Pepay pero dinetain siya doon ng mga tanod. Di niya masabi na dati siyang dwende sa takot sa babala ni Barang.